شيف حسن/ بودينج ليالى لبنان شيكولاتة

طبق حلو سهل و سريع يقدمه لنا الشيف حسن وهو عبارة عن  بودينج ليالى لبنان بالشيكولاتة

المقادير

المقادير باﻷكواب   

5 أكوب لبن
كوب سكر
كوب دقيق سمولينا
م ص ماء زهر
م ص ماء و رد
رشة ملح
رشة فانيليا

الطريقة

نبدأ بوضع اللبن على النار مع كمية السكر و ماء الزهر و ماء الورد و رشة الملح و الفانيليا و نتركه حتى يغلى ثم نقوم باضافة الكاكو ونقلب ثم نضيف كوب السمولينا على مراحل و ليس دفعة واحدة مع التقليب المستمر حتى لا يلتصق بالقاع و نستمر بالتقليب حتى يغلظ القوام و ينضج دقيق السمولينا ثم نقوم بصبه فوق الزبيب و السودانى فى القالب السليكون او فى قالب عادى مدهون مادة دهنية و مرشوش بالسكر البدره أو فى اكواب صغيرة اذا رغبتى و نقوم بخبطه برفق ليتساوى وجهه و نتركه يبرد تماما ثم نقوم بادخاله الثلاجة لمدة ساعتين او ثلاث ساعات ثم يقلب و يقدم

ملاحظة 

 للحصول على طعم كريمى اكثر يمكن استبدال نصف كمية اللبن بكريمة الطبخ
للحصول على البودينج بطعم الفانيليا نقوم بالاستغناء عن كمية الكاكاو

و بالهنا و الشفا

شيف حسن/ فراخ محشية بالكفتة

طبق شهى يقدمه لنا اليوم الشيف حسن و هو عبارة عن رول الفراخ المحشية بالكفتة

المقادير

الطريقة

نقوم بغسل الفراخ جيدا من الداخل والخارج بالملح الخشن والفلفل الخشن و الدقيق والخل ثم نقوم نشطفها جيدا ونقعها فى ماء بثلج مضاف اليه ملعقة من الخل وملعقة من عصير الليمون و ملعقة من الملح الخشن لمدة ساعة للتخلص من أى زفارة موجودة بها

 نقوم بعد ذلك بتصفيتها و فتحها من منطقة الصدر و خليها من العظم تماماً ثم نتبلها بماء البصل والملح والفلفل والبهار ثم نقوم بفردها جيداً ودقها
نقوم بتتبيلها بالملح و الفلفل والبهار و ماء البصل ثم نضع عليها الحشو المكون من اللحم المفروم والبصل المبشور المصفى من الماء والملح والفلفل والبهار والكسبرة ثم نقوم بلفها رول ثم نضع البصل و الجزر و الكرفس و الحبهان وورق اللورا فى الصينية و نضع فوقه رول الفراخ و نراعى أن يكون الجزء المفتوح من الأسفل حتى لا تتفكك عند التسوية و ندخله الفرن على درجة حرارة 200 مئوية لمدة 30 دقيقة 

وبالهنا و الشفا

مدام فريدة جميع/ جلاش بالشيكولاتة

الجلاش بالشيكولاتة طبق لذيذ جداً و جديد بتقدمه لنا اليوم مدام فريدة جميع كعادتها باطباقها المتميزة

اتمنى يعجبكوا

المقادير

فيديو الوصفة

وبالهنا و الشفا

فى رعاية الله

ازاى تستخدمى الفريزر صح؟؟

طبعاً كلنا بنستخدم الفريزر فى تخزين الخضروات و الفاكهة و اللحوم و غيره و غيره...

لكن ياترى احنا بنتعامل مع الفريزر صح.. وياترى احنا بنستخدمه و ناخد منه اقصى استفادة ممكنه؟؟

الحقيقة ان الفريزر ده كنز لا يفنى بس للى بيعرف يتعامل معاه بالشكل الامثل.. و ممكن ست البيت توفر على نفسها كتيير اوى لو اتعودت ترتب الفريزر بتاعها كويس و يمكن دى حاجة انا لاحظت ان فيه ناس كتيير مش بتهتم بيها مع انها مهمة جداً 

و باشياء بسطة اوى ممكن تخلى الفريزر ده اعز صديق ليكى فى المطبخ

اولاً لازم نعرف انك لازم تعرفى ايه اللى موجود عندك فى الفريزر بالضبط.. يعنى مش كل ماتحتاجى حاجة من الفريزر تفضلى تدورى و تطلعى كل حاجة منه علشان تلاقيها... لازم ترتبى الفريزر بتاعك و تحددى مكان كل حاجة.. على سبيل المثال الرف العلوى يبقى للحوم و الدواجن و الرف السفلى يبقى للخضروات و الفاكهة او العكس

المهم انك تقدرى توصلى للشئ اللى انتى عايزاه بمجرد ماتفتحى الفريزر لانك حتبقى عارفة هو فى اى مكان بالضبط

تانى حاجة مهم اوى انك تكتبى على كل علبة او كيس محتواه.. يعنى لو انتى مثلاً حافظة تتبيلة معينة للفراخ او اللحوم حيبقى صعب اوى اوى عليكى انك تتعرفى عليها بعد التجمد بمجرد النظر.. لكن الموضوع حيبقى اسهل بكتيير لو انتى عاملة ليبل (او ورقة اسم) لكل حاجة عندك فى الفريزر تكتبى عليها ايه هو محتوى الكيس او حتى تكتبى على الكيس بالقلم الماركر.. و صدقينى ده حيوفر عليكى وقت كبير جداً،لان نظرة واحدة حتبقى كفاية انك توصلى للى بتدورى عليه بسهولة

كمان فيه حاجات يفضل انها تستخدم خلال فترة معينة من التخزين و ده بيختلف من حاجة للتانية علشان كده مهم انك تكتبى على الليبل تاريخ التخزين و التاريخ اللى يفضل استخدامها قبله 

فكرة ظريفة تانية ممكن تعمليها انك تخلى دايماً ورقة صغيرة تحطيها على باب الفريزر بتحتوى على كل شئ موجود جواه و تعملى تعديل للقائمة دى اول باول بحيث انك تبقى على طول عارفة محتويات الفريزر بتاعك و تقدرى تحددى جدول اكلاتك الاسبوعية على اساسه... و الفكرة دى حتبقى مفيدة اوى خصوصاً للسيدات العاملات اللى بتبقى محتاجة تنظم وقتها فى المطبخ ... زى بالضبط قائمة الشراء اللى بنعملها كل اسبوع و نعلقها على الثلاجة

حاجات بسيطة جداً ممكن لو اخدنا بالنا منها توفر علينا كتيير... و اتمنى ان النقط اللى اتكلمنا عنها النهاردة تكون مفيدة ليكوا وان شاء الله نتكلم عن حاجات تامية مفيدة فى المرات اللى جاية

فى رعاية الله

مدام امال جلال/ ايس كريم بالبيض

الاسبوع ده بمناسبة فصل الصيف مدام امال جلال بتقدم لنا طريقة عمل الايس كريم بطريقتين الاولى سهلة جداً و مش بتاخد اى وقت و هى بوضع نصف كوب من اللبن مع كمية من السكر مع النكهة المحببة مثل الفانيليا فى كيس محكم الغلق و نضعه فى داخل كيس اكبر يحتوى على مكعبات الثلج مع ملعقة ملح خشن و نقوم برجه جيداً بمدة 10 دقائق حتى يتكتل

 والطريقة الثانية الطريقة التقليدية باستخدام البيض بدون الحاجة لماكينة الايس كريم

ايس كريم بالبيض 

المقادير