طرق تقطيع الخضروات المختلفة 2

تعالوا بينا نكمل مع بعض و نتعلم ازاى نقطع الخضروات بانواعها المختلفة

 الجنزبيل: قومى بازالة القشرة ثم اقطعيه الى شرائح عريضة الى حد ما ثم قوةمى بتقطيع كل شريحة الى شرائط و اقطعى الشرائط الى قطع صغيرة كما بالصورة

طرق تقطيع الخضروات المختلفة 1

انك تعرفى تستخدمى السكينة و تقطعى الخضروات المختلفة و تكونى متمكنة ده شئ مهم جدا و بيخلى الطبخ بالنسبة لك شئ انسيابى و سهل اكتر و اكتر... علشان كده حنشوف مع بعض النهاردة ازاى نقطع الخضروات 

اتأكدى من استخدامك لسكينة حامية زى ما قلنا قبل كده... اشتغلى ببطء و كونى حذرة اثناء شغلك ( و ارجوكى بلاش تحاولى تقطعى بسرعة الصاروخ زى الشيفات فى التلفزيون... خليكى واحدة واحدة... انتى لسه بتتعلمى)

دايما حافظى على ما تقومى بتقطيعه بشكل ثابت و مستقيم على لوحة التقطيع ( سواء بقطع جزء منها لتثبيته او الامساك به جيدا باحكام بيدك الاخرى) للحفاظ على الامان

بالنسبة للخضروات اللى مش موجودة هنا استخدمى نفس التكنيك المتبع فى الامثلة القادمة

و بالتدريج العملية حتبقى فى منتهى السهولة بالنسبة لك 

الفلفل: اقطعى الفلفلة الى نصفين و ازيلى الجزع و البذور و الاغشية الداخلية و قومى بتقطيعها الى شرائح طولية (سميكة اذا اردتى تقطيعا لمكعبات و رفيعة اذا اردتى فرم الفلفة)

شوربة البطاطس بالجبن الشيدر الابيض

دى وصفة مترجمة من كتاب اجنبى عندى يارب تعجبكوا

المقادير

2 م ك زيت زيتون

1 بصلة بيضاء متوسطة الحجم مقطعة

1 م ك كمون مطحون

3 فصوص ثوم مفروم

1 ½ م ص ملح (حسب التذوق)

3 كوب ماء

4 حبات بطاطس متوسطين مقطعين الى قطع صغيرة

1 ½ كوب لبن

¾ كوب جبن شيدر ابيض

شرائح من الفلفل الاحمر

فلفل اسود مطحون

الطريقة

1-      ضعى اناء على نار متوسطة و بعد حوالى دقيقة ضعى زيت الزيتون و قومى بتوزيعه فى جميع نواحى الاناء ثم ضعى البصلة و الكمون  مع التقليب لحوالى 5 دقائق او حتى يصبح البصل ليناً

2-      اضيفى الثوم و الملح و اخفضى النار قليلاً مع التقليب من ان لاخر لمدة 5 دقائق اخرى

3-      اضيفى الماء و البطاطس وانتظرى حتى الغليان ثم اخفضى النار لاقل شعلة و قومى بتغطية الاناء جزئيا واتركيه حتى تنضج البطاطس تماماً ثم اطفيئ النار و قومى باضافة اللبن و تقليبه ثم اتركى الاناء مكشوف لتبرد الشوربة قليلاً

4-      قومى بضرب الشوربة باستخدام الخلاط لتصبح مثل البوريه (يمكنك اضافة القليل من الماء اذا وجدتى الشوربة غليظة القوام)

5-      قومى باعادة تسخين الشوربة على نار متوسطة دون ان تصل الى الغليان ثم قومى باضافة الجبن والفلفل الاسود و الاحمر و تقدم ساخنة

و بالف هنا و شفا

فى رعاية الله

تعالى اتعرفى مع نونى على ادوات المطبخ 4

تعالوا بينا نشوف الجزء الاخير من ادوات المطبخ اللى بنجهز بيها مطبخنا علشان نبدأ نشتغل صح مع بعض

بعض الادوات المفيدة:

فوط مطبخ

مريلة مطبخ او اثنين

عصارة برتقال

مطحنة فلفل

البطاطس المهروسة شكل تانى من مطبخ نونى بالصور

استغربت اوى لما لقيت ناس كتيير بتاكل البطاطس المهروسة مسلوقة كده على طول لان فى البيت عندنا طول عمرى و انا بحمرها الاول و ساعات كمان بقلى معاها بيض و بيبقى طعمها احلى بكتييييييييير لو مهروسة على طول بعد السلق زى ما حتوشفوا معايا حالاً

حنجيب البطاطس المسلوقة بتاعتنا -وطبعا احنا عرفنا مع بعض قبل كده ازاى نسلق البطاطس فى وقت قصير- و حنقشرها و نحطها فى الطاسة مع معلقتين زيت و نسيبها لحد ماتبدأ تتحمر ولما ياخد اللون الذهبى الجميل ده نقلبها على الوش التانى عشان هو كمان يتحمر

و كده البطاطس اتحمرت من الناحيتين ممكن نحط عليها ملح و فلفل و نهرسها كده او ممكن كمان نحط عليها بيض بالشكل ده

تعالى اتعرفى مع نونى على ادوات المطبخ 3

تعالوا مع بعض نكمل باقى الادوات اللى حنحتاج نستخدمها فى اثناء شغلنا فى المطبخ

المقص:

اشترى مقص و اتركيه فى درج من ادراج المطبخ و ده يبقى لاستخدامات المطبخ وبس و حتندهشى من استخدماته الكتيييييير من تقطيع وقص الاعشاب او الخضروات الورقية كالبقدونس و الشبت وغيره الى الاسماك و الدواجن و العجائن و اشياء اخرى كثيرة... و زى سكاكينك بالظبط، مقص المطبخ حيعيش معاكى و يديكى نتيجة افضل لو تحافظى على يكون حامى دايماً

المغرفة:

طبعا دى قطعة اساسية حتستخدميها فى غرف الشوربة او الصوص باختلاف انواعهم و فى اغلب الاحيان ممكن تحصلى عليها ضمن طقم توزيع كامل

مدام امال جلال/ عيش التوست

المقادير

الطريقة

نضع الماء و الخميرة والسكر و الملح و الزيت فى العجانة و نخلطهم جميعاً

ثم نضيف الدقيق و نعجنهم مع بعض جيداً ثم نتركها مغطاة فى مكان دافئ لترتاح لمدة 10 دقائق ثم نعيد ضربها مرة اخرى فى العجانة

ثم نضعها فى القالب و نتركها تخمر و يتضاعف حجمها فى مكان دافئ لحوالى ساعتين و يفضل ان ندهن الوجه ببياض البيض

ثم ندخلها فرن درجة حرارته عالية جداً لمدة 20 دقيقة ثم نقلل درجة الحرارة حوالى درجتين و نتركها لمدة 20 دقيقة اخرى ثم نخرجها 

ملحوظة: يمكن تخزين التوست فى الفريزر بعد لفه بالكلينج فيلم ليبقى طازج

و بالهنا و الشفا

فى رعاية الله

شيف محمد حامد/ سمبوسه باللحمة و القرنبيط

المقادير

الطريقة

لتحضير الحشو نقوم بوضع الزبدة و الزيت فى الطاسة و اضافة البصل حتى يذبل ثم نضيف الثوم و اللحمة المفرومة

و نضيف ورق اللورى والبهارات و بعد ان تتعصج اللحمة نضع القرنبيط ليتم نضجه و اخيراً الملح و نتركه ليبرد قليلاً قبل استخدامه

لتحضير العجينة نقوم بوضع الدقيق مع الملح فى العجانة و نقوم باضافة الماء حتى تبدأ تلم ثم نضيف الزيت و نعجنها و نخدمها جيدأ  حتى تلم العجينة و يفضل ان يكون الدقيق خمس نجوم

و بعد ذلك نقوم بخدم العجينة بايدينا قليلاً ونشكلها على هيئة روول ثم نقوم بتقطيعها و تشكيلها كور صغيرة و نتركها تستريح لمدة ربع ساعة  و لابد من تغطيتها بكيس بلاستيك حتى لا تجف و فى هذا الاثناء نقوم بتحضير الحشو

 ثم نبدأ بعد ذلك بفرد كل واحدة باستخدام الزيت و نرققها جيداً ثم نقطعها على شكل دائرة لنقوم بحشوها باللحمة و القرنبيط -كمية صغيرة- و نقوم بغلقها مثل القطائف و تقلى فى الزيت الساخن و تقدم

و بالهنا و الشفا

فى رعاية الله

شيف ريهام الديدى/ كريب بالجمبرى والماشروم

المقادير

الطريقة

مدام فريدة جميع/ فراخ مقرمشة بالملح

المقادير

ريهام الديدى/ سلطة قوارب الباذنجان

المقادير

الطريقة 

لتحضير قوارب الباذنجان التى سنقدم فيها السلطة نقوم بتجويف الباذنجان مثل القارب و نقوم بنقعه فى ماء مع خل ثم نقليه فى الزيت مع مراعاة ان يُوضع الجزء المجوف فى الزيت اولا ثم نقلبه على الناحية الخارجية

ونقوم بتقطيع الباذنجان الى مكعبات و ننقعها فى ماء بملح و خل ثم نصفيه و نقليه فى زيت غزير 

ونضيف الى الباذنجان الخيار و حلقات البصل الاخضر و الحمص و الطماطم

و لتحضير التتبيلة نخلط الزيت و الليمون و الفلفل الاسود و الكمون والملح ثم نضيفه الى مكونات السلطة و نقلبها جيداً

ثم نقوم بهرس الجبنة مع قليل من الزيت و نشكلها على هيئة كور صغيرة 

ثم نقوم بملئ قوارب الباذنجان بالسلطة ونضع كور الجبن على الوجه

و يزين بورق الريحان المقلى

و بالهنا و الشفا

فى رعاية الله

ريهام الديدى/ لحم محشى بالبطاطس و الجبن

المقادير

الطريقة

نقوم بتتبيل شرائح اللحم بالمستردة و البصل والملح و الفلفل الاسود وعصير الليمون و الثوم و يفضل تركها لمدة ليلة حتى تتشرب انسجة اللحم من التتبيلة

بعد ذلك نقوم بهرس البطاطس المهروسة و نضيف اليها اللحم المعصج مع البقدنس و الجبن الرومى و الموتزاريلا و الثوم و الفلفل الاسود و الملح و الريحان و الزعتر و نخلطهم جيداً

ثم نقوم بفرد شرائح اللحم و حشوها بخليط البطاطس و الجبن و لفها على شكل روول او اسطوانة و نقفل الطرف باستخدام الاعواد الخشبية و نعفرها بالدقيق و نراعى ان يكون قبل وضعها على النار مباشرة حتى لا تمتص الدقيق

ثم نذيب قطعة من الزبدة مع قليل من الثوم فى الطاسة و نضع اللحم فى الطاسة مع مراعاة ان يكون جهة الطرف من الاسفل ثم نقوم بتقليبها حتى تكتسب اللون الذهبى من جميع الجوانب و نضيف اليها عصير الليمون و مرقة دجاج ساخنة و نتركها حتى تنضج

و تقدم مع الخضار السوتيه او الارز او البطاطس المحمرة

و بالهنا و الشفا

فى رعاية الله

بطاطس مسلوقة فى 10 دقائق وبس

ساعات كتيير بيبقى فيه حاجات بسيطة اوى ممكن نعملها توفر علينا وقت كتيير لكن احنا مش بنبقى واخدين بالنا منها 

النهاردة حنشوف مع بعض حاجة كده يمكن فيه ناس مننا ماتكونش بتعملها 

كتتير بنحتاج نسلق البطاطس علشان نستخدمها فى حاجات كتيير زى مثلا سلطة البطاطس... البطاطس المهروسة المحمرة... البطاطس البورية...و وصفات كتير تانية

المهم بقى احنا بنسلق البطاطس ازاااااى... يعنى مثلا على سبيل المثال لو احنا اخدنا حبة البطاطس بعد ما نغسلنا كويس طبعا و نسلقها على طول بالشكل ده

 حتاخد مننا وقت فى التسوية بعكس لو اننا قطعناها طرنشات بالشكل ده و سلقناها

بجد بتوفر كتتير اوى فى الوقت و جربوا و انتوا تشوفوا بنفسكوا

ان اللى وقت اللى قضيناه فى التقطيع لا يقارن بالوقت اللى بنستناها فيه علشان تستوى

دى كانت حاجة صغيرة كده على الماشى لكن لسه عندنا حاجات تانية كتيير

فى رعاية الله

أناقتك فى المطبخ

وقفة المطبخ مش معناها ابداً ان شكلك يبقى مش تمام بالعكس رضاكى عن شكلك و مظهرك بيبقى له عامل مهم فى انك تقضى وقت ممتع فى المطبخ علشان كده لازم تهتمى ان هدومك تبقى نظيفة و شعرك مربوط لوراء و تكونى لابسة مريلة شيك 

علشان كده جيبتلك مجموعة اشكال لمريلة المطبخ تختارى منهم اللى يناسبك علشان تجيبى زيه او حتى تفصيله المهم تبقى جميلة حتى و انتى فى المطبخ

يارب يكونوا عجبوكوا و دايما تبقوا قمرات



فى رعاية الله

شيف عمر حسن/ البيتزا الايطالية

المقادير

الطريقة

نقوم باذابة الخميرة فى قليل من الماء الدافئ ثم نضيفها الى الدقيق مع القليل من الماء و زيت الزيتون و نخلطهم جيداً

ثم نبدأ فى اضافة الماء تدريجياً مع العجن حتى نشعر بانها لا تحتاج المزيد من الماء و نستمر فى عجنها حوالى ربع الساعة ثم نتركها لتختمر حوالى ساعة الا ربع

بعد ذلك نبدأ فى فردها بسمك رفيع و هو ما يميز البيتزا الايطالية عن الامريكية و نضعها فى صينية الخبز

و نبدأ فى دهن الوجه بطبقة من الطماطم ( تجهز بان نضع الطماطم فى الماء المغلى لمدة 10 ثوانى ثم تشقر و توضع فى الخلاط مع الملح و الفلفل و الريحان) او صلصة الطماطم

ثم نضع الجبنة الموتزاريلا والبصل المقطع و التونة او اى مكونات اخرى حسب الرغبة

و ندخلها الفرن لمدة 10 دقائق على درجة حرارة عالية 250

و بالهنا و الشفا

فى رعاية الله

تعالى اتعرفى مع نونى على ادوات المطبخ 2

تعالوا نكمل مع بعض بقية ادوات المطبخ اللى ح نستخدمها

• شياطة:

حتحتاجيها ساعات فى توزيع و تقليل الحرارة وقت الطهى لو محتاجة تطبخى او تطهى اكل لمدة طويلة بدون مايتحرق القاع زى الرز مثلا 

• مساكات المطبخ:

اختارى منهم احجام مختلفة و حتلاقى اشكال كتيير منهم و اختيارهم يرجع لذوقك لكن دايما خليهم جنب البوتجاز فى درج او متعلقين على الحيطة و احرصى دايما انهم يبقوا ناشفين لانهم لو فيهم ماء ممكن توصلك حرارة و الغرض منهم يتلاشى

• الزبدية/ البولة:

تعالى اتعرفى مع نونى على ادوات المطبخ

النهاردة حنتكلم مع بعض على ادوات المطبخ الاساسية اللى بنحتاجها فى المطبخ و هى الادوات اللى نقصها ممكن يسبب لنا مشكلة و احنا بنشتغل لكن فى الاول لازم ناكد ان مش لازم الادوات اللى عندنا تكون احدث حاجة او اغلى حاجة... المهم ان ادواتنا تكون جودتها و صناعتها كويسين و كمان نكون مستريحين و احنا بنستخدمها لان ده اكيد حيوفر علينا وقت و مجهود و كمان حيخلينا نشعر بالراحة واحنا بنشتغل... وحنبدأ مع بعض دلوقتى بالادوات الاساسية

السكاكين:

1- سكينة الشيف:

انتى ممكن-  فى الحقيقة لازم - تستخدمى سكينة واحدة فى الفرم و التقطيع الى شرائح او قطع صغيرة او غيره. و دى عادة بتسمى بسكينة الشيف او السكينة متعددة الاغراض.. و بالبلدى كده بتبقى ايديك و رجلك فى المطبخ. السكينة دى بقى شفرتها او نصلها بيكون حوالى 6-8 انش يعنى تقريبا 15-20 سم بدون شرشرة

و السكينة الكويسة هى اللى تخليكى حاسة بالراحة و انتى مسكاها و متحكمة فيها يعنى تكون تقيلة كفاية انها تخليكى تقطعى بثبات و ثقة و فى نفس الوقت خفيفة كفاية انك تستخدميها بسهولة... و حتلاقى اشكال و استايلات كتييرة فحاولى تختارى السكينة المناسبة ليكى و اهتمى ان القطعة دى بالذات تكون من ماركة كويسة و مش رخيصة لانها حتعيش معاكى و زى ماقلنا هى اكتر واحدة حتستخدميها و كمان هى قطعة الامان بيكون عامل مهم فيها علشان كده بلاش نوفر و احنا بنشتريها.

أرز بالكركم و الخضار من مطبخ نونى بالصور

من وقت للتانى لازم ننوع فى اطباقنا اللى متعودين نعملها زى مثلا الرز...مجرد اننا نضيف له بعض الاضافات الصغيرة بيخلى سفرتنا كل يوم مختلفة عن اليوم اللى قبله حتى لو كان الاساس واحد

و النهاردة جيبالكم طبق رز بالكركم و الخضار حتاكلوا صوابعكم وراءه... يلا نشوف مع بعض

المقادير

2 كوب أرز بسمتى 

4 كوب ماء او مرقة

بصلة متوسطة مقطعة صغير

2 م ك كركم 

1/2 كوب بازلاء

1/2 كوب جزر قطع

2 م ك زيت

ملح - فلفل