شوربة الخضار باللبن... ايوة مش غلطانة و لا حاجة ...وصفة غريبة و جديدة... يمكن اول مرة تسمعوا عنها لكن فعلا طعمها راااااااااائع
انا عرفت الوصفة دى من صاحبة والدتى كان فيه شيف قالها عليها و دايما بتعملها... و استغربت فى الاول لكن لما جربتها عجبتنى جدا
جربوها و على ضمانتى يلا نقول بسم الله و نبدأ
100 جرام لحم مكعبات او مفروم
كوب مرقة او ماء
كوب لبن
1 كوسة مقطعة
1 بطاطس مقطعة
1 جزرة مقطعة
2 م ك زيت
م ص خل
ملح و فلفل
الطريقة
اول حاجة نشوح البصلة فى الزيت لحد ما تذبل شوية
و بعدين نضيف اللحمة و انا هنا استعملت اللحمة المفرومة لكن ممكن كمان نستخدم مكعبات لحمة صغيرة
و نشوح اللحمة لحد ما تتعصج
و بعدين نضيف كوباية المرقة
و بعدين كوباية اللبن و الملح و الفلفل
و نغطيها لحد ما تغلى و فى الوقت ده نحضر الخضار
هنا الشوربة بتغلى
نضيف الخضار عليها و نقلبه و نسيبه يغلى و يستوى
و لما الخضار يستوى نضيف م ص خل و ماتستغربوش بيخلى طعمها جمييل فعلا و مختلف
و ممكن كمان نضيفلها مكرونة لسان العصفور زى الشوربة العادية حيبقى طعمها اجمل
و ده شكلها النهائى
يارب تجربوها و تعجبكوا :)
فى رعاية الله
موقع باتيه وانتريه يقدم لكي وصفات كثير منها طريقة عمل السينابون المكون من مكونات بسيطه يسهل عليكي تكوين منها عجينه السينابون
ردحذف