طبعا الشوكليت شيبس لها استخدامات كتير
زى الكوكيز مثلا -اللى ان شاء الله ح نعمله قريب- بس للأسف كتير مننا مش بيلاقيها بسهولة ولو لاقيناها بتبقى غالية
عشان كده انا النهاردة هقولكوا على طريقة سهلة جدا
نعمل بيها الشكوليت شيبس فى البيت
أول حاجة هنجيب الشكولاتة اللى احنا عايزنها... دارك... باللبن... بيضاء...اى نوع احنا عايزينه ونسيحها على حمام مايه (واللى مش عارف ازاى: يعنى نجيب حاجة نغلى فيها ماية و نحط عليها طبق او بولة و نحط فيها الشيكولاتة و خلى بالكوا المايه ماتوصلش لقاع البولة ) معلش انا نسيت اصورلكوا الخطوة دى لكن الصورة دى توضح لكوا ازاى
و نخلى بالنا علشان البولة ممكن تبقى سخنة و حيتجمع عليها ماية من تحت
و نقلب كويس لحد الشيكولاتة ما تبقى بالشكل ده
وبعدين لازم نسيبها شوية لحد ماتبرد وتجمد شوية علشان نقدر نشكلها كويس و حنعرف انها جاهزة لما نصبها و تقف متماسكة بالشكل ده
بعد كده نجيب كيس تلاجة عادى( وده برضه عشان الناس اللى مش بتلاقى كيس الحلوانى ) ونحطه
فى كوباية كده علشان نقدر نصبها بسهولة
ونقفل الكيس كويسا من فوق ونقص الاول جزء صغير جدا من الحرف و نشوف اذا كان مناسب و لا محتاجين نكبره وهكذا لغاية ما تبقى الفاتحة مناسبة
و بعدين نجيب ورقة زبدة او كيس نايلون و نثبته علشان
نشتغل عليه
نشتغل عليه
وبعدين نضغط على الكيسة بالراحة ونحرك ايدنا فى شكل ديرة صغيرة ونملاها بالشكولاتة و فى الاخر نشيل ايدنا بحيث انها تعمل الشكل المعوج ده
ونكمل كل الكمية بالمنظر ده و نخلى بالنا نشتغل بسرعة الى حد ما علشان الشيكولاتة ماتجمدش فى الكيس و نحتاج نسيحها تانى
و مش بتاخد وقت طويل علشان تنشف خصوصا فى الشتا و نقدر بعد كده نجمعها
ونقدر نحفظها فى علبة او كيسة فى الثلاجة و نستخدمها
وقت مانحتاج
وقت مانحتاج
يارب الطريقة تكون سهلة و واضحة ليكوا و تكون عجبتكوا و قريب باذن الله حنستخدمها مع بعض فى الشوكليت تشيبس كوكيز
فى رعاية الله
مرسى ليكى يا حببتى تسلم ايدك
ردحذف