تعالى اتعرفى مع نونى على ادوات المطبخ 3

تعالوا مع بعض نكمل باقى الادوات اللى حنحتاج نستخدمها فى اثناء شغلنا فى المطبخ

المقص:

اشترى مقص و اتركيه فى درج من ادراج المطبخ و ده يبقى لاستخدامات المطبخ وبس و حتندهشى من استخدماته الكتيييييير من تقطيع وقص الاعشاب او الخضروات الورقية كالبقدونس و الشبت وغيره الى الاسماك و الدواجن و العجائن و اشياء اخرى كثيرة... و زى سكاكينك بالظبط، مقص المطبخ حيعيش معاكى و يديكى نتيجة افضل لو تحافظى على يكون حامى دايماً

المغرفة:

طبعا دى قطعة اساسية حتستخدميها فى غرف الشوربة او الصوص باختلاف انواعهم و فى اغلب الاحيان ممكن تحصلى عليها ضمن طقم توزيع كامل

المبشرة:

المبشرة قطعة اساسية فى مطبخك لا غنى عنها.. جتستخدميها فى بشر حاجات كتيير من الخضروات و البطاطس للجبنة و حتلاقى فيه اشكال و احجام كتير اوى منها اختارى اللى يناسبك و تكون نوع كويس علشان يستحمل

و فيه منها نوع بيبقى دقيق اوى بيستخدم عادة فى بشر الليمون او الجبنة البارميزان او الشيكولاته للتزيين

فرشاة العجائن:

مفيدة فى توزيع الزيوت و الزبدة الذائبة او البيض على العجائن او على اسطح الاوانى

مقشرة الخضروات:

مفيدة جدا و عملية ورخيصة  و تقدرى تختارى منها اللى على شكل لكن خلى بالك من النوع الردئ منها لانه حيضايقك و مش حيسهل عليكى
هراسة الثوم:

طبعا هى حاجة مش اساسية فى المطبخ و ممكن تستغنى عنها بانك تقطعى الثوم ناعم باستخدام سكينتك لكن مع ذلك هى عملية جدا و بتوفرلك فى الوقت و لو قدرتى تضمى واحدة لمطبخك يبقى كويس جدا

الملاعق المعياريه:

حتلاقيها مفيدة جدا لان فيه وصفات كتيير بتتطب منك انك تكونى دقيقة فى معاييرك خصوصا الحلويات

الاكواب المعيارية:

بتستخدم فى عيار المكونات الجافة املئى الكوب وازيلى الجزء الزائد بظهر سكين ليصبح عندك مقدار كوب من المادة التى تقومى بعيارها

كوب المعايير السائلة:

هو كوب يكون عادة مصنوع من الزجاج بخطوط معياريه على الجوانب و يستخدم فى عيار المواد السائل باستخدام و يفضل انه يكون من النوع المقاوم للحرارة ليمكن استخدامه فى تسخين المواد فى المايكروييف

المرة الجاية باذن الله حننهى مع بعض الجزء الخاص بالادوات و نبدأ دروسنا فى عالم الطهى

فى رعاية الله