أرز بالكركم و الخضار من مطبخ نونى بالصور

من وقت للتانى لازم ننوع فى اطباقنا اللى متعودين نعملها زى مثلا الرز...مجرد اننا نضيف له بعض الاضافات الصغيرة بيخلى سفرتنا كل يوم مختلفة عن اليوم اللى قبله حتى لو كان الاساس واحد

و النهاردة جيبالكم طبق رز بالكركم و الخضار حتاكلوا صوابعكم وراءه... يلا نشوف مع بعض

المقادير

2 كوب أرز بسمتى 

4 كوب ماء او مرقة

بصلة متوسطة مقطعة صغير

2 م ك كركم 

1/2 كوب بازلاء

1/2 كوب جزر قطع

2 م ك زيت

ملح - فلفل

الطريقة
 

الاول حنحط البصلة على النار مع الزيت و نشوحها لحد ماتدبل و يبقى لونها اصفر و بعدين نضيف لها الرز و يكون طبعا مغسول كويس و متصفى و نقلبه تقليبتين مع البصلة و بعد كده نضيف الكركم و الملح و الفلفل و المرقة و نغطيه

و بعدين لما المايه تغلى نضيف الخضار بتاعنا و نقلب

و بعدين لما الرز يبدأ يتشرب، نقلل النار عليه خالص و نسيبه يستوى 

و لما يستوى بيبقى ده شكله النهائى

جربوه و بالف هنا و شفا :)
فى رعاية الله