انك تعرفى تستخدمى السكينة و تقطعى الخضروات المختلفة و تكونى متمكنة ده شئ مهم جدا و بيخلى الطبخ بالنسبة لك شئ انسيابى و سهل اكتر و اكتر... علشان كده حنشوف مع بعض النهاردة ازاى نقطع الخضروات
اتأكدى من استخدامك لسكينة حامية زى ما قلنا قبل كده... اشتغلى ببطء و كونى حذرة اثناء شغلك ( و ارجوكى بلاش تحاولى تقطعى بسرعة الصاروخ زى الشيفات فى التلفزيون... خليكى واحدة واحدة... انتى لسه بتتعلمى)
دايما حافظى على ما تقومى بتقطيعه بشكل ثابت و مستقيم على لوحة التقطيع ( سواء بقطع جزء منها لتثبيته او الامساك به جيدا باحكام بيدك الاخرى) للحفاظ على الامان
بالنسبة للخضروات اللى مش موجودة هنا استخدمى نفس التكنيك المتبع فى الامثلة القادمة
و بالتدريج العملية حتبقى فى منتهى السهولة بالنسبة لك
البروكلى: قومى بقطع الجزء السفلى من الساق (حوالى 2 سم) و استخدمى المقشرة فى ازالة الجلد الزائد من الساق ثم قومى بفصلها الى زهرات كما بالصورة و للحصول على بروكلى مقطع قومى بقطع الزهرات و الساق كما بالصور الى قطع صغيرة
الجزر: قشرى الجزر ثم ازيلى الاجزاء السفلية و العلوية ثم قومى بتقسيمها الى جزئين وقطعها الى اجزاء عرضية بطول حوالى 4 سم ثم قسميها الى شرائح طولية و قومى بنقطيع الشرائح للحصول على مكعبات الجزر
.... و تقطع بهذا الشكل اذا اردتى الحصول على شرائح الجزر
كده نكون خلصنا الجزء الاول... المرة الجاية نشوف باقى انواع الخضروات
فى رعاية الله
0 comments:
إرسال تعليق