كيش بدون عجينة

الكيش من الاطباق الجميلة فعلا و الوصفة دى انا جبتها من كتاب طبخ اجنبى عندى وهى سهلة جدا و حل هايل للناس اللى مايقدروش ياكلوا الاطعمة و الاطباق االمصنعة من القمح و كمان فكرتها بسيطة و سهلة للفطار او العشاء... نشوف مع بعض

المقادير:

1 اصبع زبدة مذابة

1/4 كوب نشا

6 حبة بيض كبيرة

1 كوب لبن

450 ج جبنة اى نوع مقطعة مكعبات

225 ج مشروم مقطع شرائح

3-2 حبة بصل اخضر مقطع

85 ج جبنة كريمى

400 ج جبنة قريش

1 م ص بيكنج بودر

1 م ص ملح

1 م ص سكر

1 ثمرة طماطم مقطعة شرائح

الطريقة

1. يتم تسخين الفرن الى 180 درجة مئوية

2. قومى بضرب البيض جيداُ

3.اضيفى جميع المكونات الباقية ماعدا الطماطم الى البيض

4. يصب الخليط فى قالب مدهون 

5. ادخلى القالب فى الفرن غير مغطى حوال 45 دقيقة او حتى يتماسك

6. قومى باخراج القالب و تغطية الوجه بشرائح الطماطم ثم اعيديه الى الفرن حتى تصبح الطماطم دافئة

يارب الطبق يعجبكوا وبالهنا و الشفا :)