اهلاً اتفضلوا...سموا و ادخلوا برجلكوا اليمين
بس استنوا الاول نتعرف :)
انا نونى... و ده مطبخى... جميل ان الانسان يبقى عنده هواية أو حاجة بيحبها والجميل كمان انه يلاقى الناس اللى بتشاركه فى هوايته دى ...وانا بقى الطبخ هو الحاجة اللى بحبها... ولأنى حاليا مش بشتغل، فكرت أنى أشغل وقتى بحاجة مفيدة طالما أنى لسه مالقيتش الشغل المناسب و افتكرت المثل اللى بيقول " اذا لم تعمل ما تحب فحب ما تعمل" و أنا قررت انى أعمل ما أحب.
رغيت كتيير أنا عارفة، بس ده مش طبعى على فكرة، و أكيد دلوقتى عايزين تعرفوا ايه هو مطبخ نونى ده و ايه علاقته بالرغى ده كله، ح أقولكوا...
زى ما قولتلكوا انا قررت اعمل اللى بحبه اللى هو الطبخ، ح تقولولى و ماله ما تطبخى هو حد منعك، ح قولكوا هو ده فعلا اللى أنا ح أعمله بس مش ح أعمل لوحدى ح نعمله مع بعض
أنا عملت البلوج ده علشان كل واحدة مش بتحب دخول المطبخ أو مستصعباه -زى ما بسمع من ناس كتيير- أو لسه مش عارفة تدخله...احنا سوا حنتعلم ازاى نحب المطبخ و نحب نطبخ و نتفنن كمان فى الاكلات، الموضوع مش صعب زى ما ناس كتيير فاهمة و لا محتاج وقفة طول النهار لكن هو محتاج حد يطبخ بحب.
اه بحب ماتستغربوش... اى حاجة فى الدنيا دى لو اتعمل بحب بينجح و بيبقى له تأثير أكبر فى اللى حوالينا و الطبخ مش استثناء لانه عبارة عن طاقة ايجابية بتتنقل من الناس لبعضها... فيه ناس بتقول عليه النفس اللى بيفرق من واحدة للتانية و لو فكرنا شوية حنلاقى ان الاختلاف ده طبيعى لان نسبة الحب اللى بيطلع من كل واحدة و هى واقفة تطبخ للناس اللى بتحبهم بيختلف
هو مش الاكل وسط اللمة بيبقى احلى و اطعم مع انك ممكن تأكلى نفس الاكل لوحدك و مايبقاش حلو كده... طيب ليه بقى؟ علشان الطاقة الايجابية اللى بقولكوا عليها
احنا بقى مع بعض حنحاول ننمى الطاقة دى جوانا بالاضافة طبعاً لشوية تكات و نصايح تساعدنا و تسهل علينا الموضوع و أكيد مش ح ننسى الوصفات و الاطباق التقليدية و الجديدة و الشرقية و الغربية و غيره و غيره
يعنى كل واحدة لسه بتتعلم و بتقول يا هادى اهلاً بيها
وكمان كل واحدة وقتها ضيق و عايزة اكلات سريعة و طرق توفر عليها الوقت تيجى بسرعة
و كل واحدة بتحب تغير فى اكلاها و تجرب وصفات جديدة و غريبة و فى نفس الوقت لذيذة تجيب ورقة و قلم على طول
و زى ما اتفقنا أهم حاااااااااجة النفس اااااه قصدى الحب...
و ماتقلقوش المطبخ كبيييير و يساعى من الحبايب الف بس انتوا شرفونى..
يلا اتفضلوا معايا بقى فى مطبخ نونى :)
بس استنوا الاول نتعرف :)
انا نونى... و ده مطبخى... جميل ان الانسان يبقى عنده هواية أو حاجة بيحبها والجميل كمان انه يلاقى الناس اللى بتشاركه فى هوايته دى ...وانا بقى الطبخ هو الحاجة اللى بحبها... ولأنى حاليا مش بشتغل، فكرت أنى أشغل وقتى بحاجة مفيدة طالما أنى لسه مالقيتش الشغل المناسب و افتكرت المثل اللى بيقول " اذا لم تعمل ما تحب فحب ما تعمل" و أنا قررت انى أعمل ما أحب.
رغيت كتيير أنا عارفة، بس ده مش طبعى على فكرة، و أكيد دلوقتى عايزين تعرفوا ايه هو مطبخ نونى ده و ايه علاقته بالرغى ده كله، ح أقولكوا...
زى ما قولتلكوا انا قررت اعمل اللى بحبه اللى هو الطبخ، ح تقولولى و ماله ما تطبخى هو حد منعك، ح قولكوا هو ده فعلا اللى أنا ح أعمله بس مش ح أعمل لوحدى ح نعمله مع بعض
أنا عملت البلوج ده علشان كل واحدة مش بتحب دخول المطبخ أو مستصعباه -زى ما بسمع من ناس كتيير- أو لسه مش عارفة تدخله...احنا سوا حنتعلم ازاى نحب المطبخ و نحب نطبخ و نتفنن كمان فى الاكلات، الموضوع مش صعب زى ما ناس كتيير فاهمة و لا محتاج وقفة طول النهار لكن هو محتاج حد يطبخ بحب.
اه بحب ماتستغربوش... اى حاجة فى الدنيا دى لو اتعمل بحب بينجح و بيبقى له تأثير أكبر فى اللى حوالينا و الطبخ مش استثناء لانه عبارة عن طاقة ايجابية بتتنقل من الناس لبعضها... فيه ناس بتقول عليه النفس اللى بيفرق من واحدة للتانية و لو فكرنا شوية حنلاقى ان الاختلاف ده طبيعى لان نسبة الحب اللى بيطلع من كل واحدة و هى واقفة تطبخ للناس اللى بتحبهم بيختلف
هو مش الاكل وسط اللمة بيبقى احلى و اطعم مع انك ممكن تأكلى نفس الاكل لوحدك و مايبقاش حلو كده... طيب ليه بقى؟ علشان الطاقة الايجابية اللى بقولكوا عليها
احنا بقى مع بعض حنحاول ننمى الطاقة دى جوانا بالاضافة طبعاً لشوية تكات و نصايح تساعدنا و تسهل علينا الموضوع و أكيد مش ح ننسى الوصفات و الاطباق التقليدية و الجديدة و الشرقية و الغربية و غيره و غيره
يعنى كل واحدة لسه بتتعلم و بتقول يا هادى اهلاً بيها
وكمان كل واحدة وقتها ضيق و عايزة اكلات سريعة و طرق توفر عليها الوقت تيجى بسرعة
و كل واحدة بتحب تغير فى اكلاها و تجرب وصفات جديدة و غريبة و فى نفس الوقت لذيذة تجيب ورقة و قلم على طول
و زى ما اتفقنا أهم حاااااااااجة النفس اااااه قصدى الحب...
و ماتقلقوش المطبخ كبيييير و يساعى من الحبايب الف بس انتوا شرفونى..
يلا اتفضلوا معايا بقى فى مطبخ نونى :)
0 comments:
إرسال تعليق