تعالى اتعرفى على اساليب الطهى مع نونى

عالم الطهى و وصفاته مليانين مصطلحات واساليب يمكن يكونوا مش مألوفين لاى طباخة فى كى جى ون... علشان كده حنتعرف سوا بشكل سريع على اساليب الطهى و معانيها واكيد حنتعرف عليهم اكتر من خلال رحلتنا فى عالم الطهى الممتع
كمان حتلاقوا ان بمجرد معرفة المصطلحات دى، معظم الوصفات مش حتكون معقدة زى مانتوا فاكرين

• الغلى، السلق والطهى بالبخار(Boiling, poaching, and steaming): كل المصطلحات دى بتدور حوالين فكرة الطهى باستخدام الماء. الغلى هو تسخين الماء الى ان يصل لدرجة الغليان، السلق هو طهى الاطعمة فى ماء بدأ يوصل لدرجة الغليان لكن مش بيغلى بالفعل، اما الطهى باستخدام البخار فهو عبارة عن طهى الاطعمة بوضعها فوق ماء بيغلى لكن مش بداخله و الطريقة دى ميزتها احتفاظ الاطعمة بكامل فوائدها الغذائية.
•  التسوية او الطبخ(Braising and stewing): التسوية هى طهى الاطعمة فى مقدار مش كبير من الماء او المرق لمدة طويلة، والطبخ هو تسوية الاطعمة فى سائل من المرق و باستخدام الاعشاب لحد ما الطعام يمتص السائل ده و يصبح فى شكل صوص
• التحميص او التحمير(Roasting): هو طهى الاطعمة فى صوانى بغير تغطية داخل الفرن و يستخدم الاسلوب ده مع اللحوم و الطيور و غيره
• الشوى(Grilling): هو الطهى باستخدام الفحم او الحرارة العالية من مصدر تانى... زى مثلا حفلات الشواء او البربيكيو
• الخبز(Baking): هو الطهى فى الفرن و دايما بيستخدم المصطلح ده فى العجائن و انواع الخبز و الكيك و البسكويت

احنا بكده نكون عرفنا بشكل سريع اساليب الطهى الاساسية و لسه حنتعرف عليهم اكتر فى المرات الجاية ان شاء الله

فى رعاية الله